جــلاده الــســكويـــر - فراج بن فنيس

علقتني بالدور الاول ياغرنوق
عيفتني السكوير ماعاد اطيقه

سلكت درب الوصل وياك ياذوق
وغيرك من الخفرات جعله طريقه

جذبتني باسلوب راقي ومرموق
جودت قلبي بالحبال الوثيقه

فنظره عيونك دروس ٍ عن الشوق
والصوت يبعد كل هم ٍ وضيقه

لاشافك اللي معقد حجاجه يروق
ويقول يافراج وصفك حقيقه

وان جيت اشبه زينك بزينه النوق
بقول (جلاده) بوصفك دقيقه

مانقبل السومه ولاتدخل السوق
كذا كذا حفظ العشيق لعشيقه

ترا المحبه تلزم الخل بحقوق
اكبر من حقوق الشقيق إلشقيقه

ياللي خذيت القلب بشويش ورفوق
الطف على قلب ٍ جروحه عميقه

اما يجوز لقلبي الوضع ياذوق
والا ترا بيقفي ولا بل ريقه

وإن زاد في بعدك على قلبي الشوق
وازريت اشوف الزول بأيت طريقه

بحط عالصحرا واشاهد بها النوق
يمكن تجي جلاده وخمد حريقه

© 2024 - موقع الشعر