تـثـبـتـنـي الـحـكـمـه - فراج بن فنيس

ليا جاتني زله رفيقي وهو رجال
باغض النظر عن فعلته واتجاهلها

كريم السجايا موفي الفعل لامن قال
ينومسك والكلمه ليا قال يفعلها

صدوق الوعد يعجبك في الحل والترحال
وسيع الصدر واهل الكرم مايزعلها

قوي العزوم فساحه المعركه صهال
يزعزع صفوف اعداه لاشاش جندلها

لو اتكلفه حملك برك للحمول وشال
كبار الامور الكايدات يتحملها

تثبتني الحكمه لاحكيت الجهال
وميله رفيقي كل ماجات اعدلها

ومانيب سامع في رفيقي هروج انذال
وشذابه العرقوب ماني مجاملها

خباث النفوس اللي تحيل ولا تحتال
ضعافن تعمد للردا في تعاملها

رفيقي حزامن لي ليا شانت الاحوال
ليا ثار دخانن على الورد يصملها

ويفدا رفيقي كل زولن من الانذال
وباقول يفدا زلته من تناقلها

© 2024 - موقع الشعر