رحلت بقلبي المكسور

رحلت بقلبي المكسور معاي الهم والحيره
تقاذف به ظروف الوقت ولكن للوفا وجدان

رحلت وحالتي تشكي رحلت ولا ابي غيره
رحلت ولا نسيت ان المشاعر ميزة الخلان

مدامه في عيوني ناس انا في عينه الديره
مدامه في عيوني ضيف انا له حشمة الضيفان

عشقته عشق ِ يكافئ حبيب ٍ طيب السيره
وصنته في عيوني مثل ماصان البحر مرجان

تعبنا نمشي ظروف الزمان بشره وخيره
ولا تبنا ولو ان الزمان يعذب الولهان

رحلت ودمعتي ترسم على صدر الحزن حيره
رحلت ودمعتي تكتب عن اخر رحلة التحنان

رحلت ودمعتي تشبه عزيز ٍ طالب الجيره
جلا مظلوم عن ربعه جلا من سبة البهتان

رحلت ولا بكيتك يا زمان ٍ هان تقديره
رحلت ولا على الدنيا سلام وعمرها نقصان