القلب يصرخ والمشاعر تناديك
والعين تبكي يا هيه وش جاك
والشوق هز القلب والشوق طاريك
لله درك يالغلا وين دنياك
هذا شهر والعين ما غير تبكيك
هذا شهر قلي انا كلي فداك
فجاه بدون اسباب خليت مغليك
فجاه بدون اسباب غيرت مبداك
خليتني وعناد حالف ما يخليك
جافيتني وعناد ما عمره جافاك
خليتني للضيم والهم تاليك
خليتني محتاج للصبر وياك
امر شارع بيتكم والتفت فيك
واقول لبى البيت ليتني حداك
ويرجع صدى صوتي من تغليك
ويقول انسى فلان ما عاد يبغاك
بعد المحبه والغلا صار مغليك
ما عاد يبي قربك ولا هو بيفداك
واصدق اللي صار واقول يمديك
دامه بدون اسباب اقفى وخلاك

حقوق النشر محفوظة لـشاعر

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2019 - موقع الشعر