ياحي أنا قدام بيتك تهاويت
أقرع عليك الباب وازهمك ياحي
أزعجت كل الناس وبصمت رديت
وتجاوبت لي الارض وانته ولاشي
لتقول لي منت متْواجد بها البيت
أنا لمحت بطرف عيني منه ضي
ريحة بخور الدم من بعيد شميت
وشفت السحاب يغلف البيت بالفي
ولما وصلت الباب قربت واصغيت
واسمع خرير انهار من خمره ومي
جيتك وتارك في المدينه توابيت
افتح لي الابواب أرجوك ياخي
مليت ميت في يدين الطواغيت
خلوني احيا عيشةٍ ماهي ب لي
أعرف حياتي وين لكني ازريت
من دونها سور العروبه وقف زي
سور(ن) بأرض الصين نعرفه بالصيت
ما يعبره مخلوق من قوة الطي
ودي امد ايدي وآشب كبريت
وخايف يدين الخوف لاتقطع ايدي
عفت الممات وجيت أبحث لتوقيت
تحيا فعولي فيه واتبعك ياخي
تعبت وآنا حي في داخله ميت
وانته تسمى ميت لكنك الحي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.