دامك تحد القلب لازم لك آبوح
اسمع خفوقي كان لك نفس توحي
يكفي وانا قلبي معه كله جروح
يكفي بعد فرقاه زادت جروحي
نشدت ليل حده الشوق مشفوح
لماضيا عدى وباقي بروحي
يومه معذب خافقي قلت اباروح
ماعاد له بالقلب ابني صروحي
اللي عشقته كان له حب مفضوح
خلى خفوقي من طعونه ينوحي
عزفت له حرف به الصوت مبحوح
رحبت فيه بوسط قلبٍ سموحي
مضيت ليل ساهر كنت مرجوح
مابين حاضر ماضيا له ابوحي
مانيب لا ناكر ولا فيه مصلوح
انكر زمان فيه زادت جروحي
هذاك حب كنت باني له صروح
هذاك جرح باقي وسط روحي
تبي تداويني وانا منه مذبوح
الحب صدق إحساس مابه مزوحي
ياروح لا تسال على وين باروح
مدام روحي عنه تبغى تروحي
رحلت عني والسبب صار مشروح
وصعب عليّ اخون واخفي طموحي
لك اعتذر من قلب ولقلبك آبوح
مني لا تزعل جعل عمرك فروحي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.