ابي قلبك انا المرهف. لـ بنت المطر

ابي قلبك انا المرهف - بنت المطر

احبك حب ماحبه على طول الزمان انسان
ابي قلبك انا المرهف امانه يابعد عيني

ترى حبك يزيد الشوق اشوفه صاير(ن)بركان
ولااقوى جمره و ناره ولاحد(ن) منه ينجيني

غرامي لك شعور(ن) بي معزه مع غلا وتحنان
وانا كلي ابراكينه وابي بالقرب تحيني

تمنيتك صدى واحلام من يدري على ما كان
تمنيتك هقاوي القول لا لحظه تخليني

رجيت الله يعطيني وصل حبك مطر هتان
ابي يسقي ورود الحب في قلبي ويرويني

عطش وردي وجاب الله سيول(ن) تروي العطشان
عسى وصلك علي دايم يرد الروح يشفيني

واذا ودك هلاوالله سكنت الروح و الأجفان
واذا شايف عطاي شوي تدلل يانظر عيني

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.