لاعاش قوم تضيع سلم جدانها - محمد بن باني المخاريم
بسم المخاريم ارحّب في قدوم الوفودترحيبةٍ فوق نجم الجدي عنوانهاتنثر على اللي حضر في الحفل زهر الورودويشمومها و أزرق الجاوي و ريحانهاليلٍ جمعنا لعلّه كل عامٍ يعودحتى تطيب الكبود و تبرد أحزانهايا مرحبا عد وبل مدندنات الرعودفي الحفله اللي تجمّعنا على شانهاحفلة محمد صليب الراس عرب الجدودراعي يمينٍ رجح بالطيب ميزانهاو أقدام رجليه ثقل مصمصمات الحيودوالمرجله فوق راسه شال تيجانهاو أقول علمٍ صحيحٍ مايبي له شهودأبغي هل المعرفه توحيه بآذانهاما فيه رجلٍ بلا ربعٍ تشد العضودو لا به طيورٍ تطير بغير جنحانهاو رجلٍ بفزعة بني عمه بيرقى سنودالابطال وقت اللّزوم يبين برهانهااهل الوفا تنعرف من عصر عاد وثمودانعرف روس العرب ونعرف كرعانهاما يفزع الا هل الفزعه عيال الأسودمن طيبها تحتمي ساحات ميدانهااللي لهم في مجال الطيب عدة بنودعرف وشجاعه وتكريمٍ لضيفانهاوالحمدلله هذي كلها زودٍ زودفي ربعي آلاد زايد عوق عدوانهامروين حد السيوف الحدب صنع الهنودإن كان بقعى رقص للحرب شيطانهاكم شيخ قومٍ رموا به تحت عوج اللحودنبت على قبره الأشجار و أغصانهاو كم مهرة تستوي لمجرب مايحودما اعتاظ خيالها إلا السرج وعنانهامن ولب ربعٍ لهم في الحرب عزم و صمودتشبع حداد السيوف وتروي سنانهاهل ديرةٍ وسعوا فيها رسوم الحدودمن جر جبجب لشرق خريص حدانهاومن الركا لاوسط الرمله سهول ونفودملك الدواسر مضاميها ومقطانهاقبيلةٍ ما جحدها كود رجلٍ جحودصوارمٍ ماتهاب الموت فرسانهااهل سلومٍ على اللي من سواهم تكودعز الخوي والعصا توسم لجيرانهاولا تبيع اللّحم لو بالذهب والنقودولاهي بتدخل على القصاب نسوانهاو اهل بيوتٍ بما فيها تمد وتجودوتدفع دية جارها من دون جدارنهاو اهل اشيابٍ بلاش مسبله للورودومزارعٍ فتحت للناس بيبانهاواهل الظفر و الكرم وتحل كل معقودديارهم ماتباع مياه قلبانهاسلمٍ خذوه العيال من الابا والجدودلاعاش قومٍ تضيّع سلم جدانها
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.