سكات الأمس

وفضلنا سكات الأمس يبعثرنا ولا نوفي
أبد ما كانت الدنيا على محنا رسمناها "

بنغرق في سبات الحب ونصحى فيه من نطفي
نعيش اوهام نتجاهل غصب عنا مشيناها "

تمر سنين نتداوى ولا به لحظت(ن) تشفي
تعبنا والألم ينهش ضلوع(ن) قد سأمناها "

ويجرحنا الزمن دايم ولكن قلبنا يعفي
حسبنا الطيب يتجازى ف دنيا ما فهمناها "

حسافة لا زرعنا الحب تفز قلوبهم تنفي
نكر ذاك الحصاد اللي بهالحسرة قطفناها "

طلقنا حسنا ينده لهم ودموعنا تخفي
أسى ف قلوبنا طاغي وصرخة ما طلقناها "

حقيقة ما توقعنا نلاقي عيونهم تجفي
تصد بعيد تتوارى ولا كنا عرفناها "

صدق هالنبض لين ان الدموع بعيننا تغفي
وليل الحزن ما فارق عيون(ن) كم غسلناها "

بروق الفرحة تجينا بلحظة نغفل وتقفي
ولا ندري متى راحت وكيف نقول شفناها "

نعانق ما بقى ونصرخ ي طعنات الزمن تكفي
دخيلك خففي طعنك على قلوب(ن) خذلناها"