سذاجة

حايرة مدري غبا ولأ خطا أو هي سذاجة
ليش قلبي رغم جرحه ما تعب يصفح ويغفر؟"

كل مرة ينطعن مدري كذا من غير حاجة
ما تعلم من خطاه وطعنته بالحيل تكبر"

يا كثر ما انهد بيته انكسر ساسه وسياجه
ما يأس دايم يلملم من بقاياه ويعمّر"

مرت ايامه حسافه يشعل بطيبه سراجه
يحتفل فيها لوحده يكتم جروحه ويصبر"

ماسك ف كفه شموع وخايف يْذوّب مزاجه
خايف دموعه تخونه من كثر همه وتمطر"

هذا قلبي ما تعلم من عنا الوقت وعجاجه
تعصْف رياح الزمان ويرفع شراعه ويبحر"

كلما ضاقت سأل ربه يعجل بانفراجه
يشرب الحنظل على مره وللرحمن يشكر"

أسألك يا قلب ما يكفي ولا ناوي تواجه
طيبك الساذج ولا تقدر مثل هالناس تغدر"

حايرة والنور شح وما تكّرم بانبلاجه
طال ليلي يا عسى هالصبح بالآمال يسفر"