قال من يكتب على ذوقه وفنه - سعد سالم

قال من يكتب على ذوقه وفنه
لاكتب يكتب مواضيعً مفيده

لابغا عسر القوافي طاوعنه
ماسرقها من مقصات الجريده

في ضميري للشعر حنه ورنه
ياخذ الجزلات ماخلص رصيده

صاغهن من مصنعه والصنع منه
ساسها مثل الجبال اللي مشيده

الشعر يضلم ولابه من يحنه
ليت به لجنه تقيّم من يجيده

والله لانفتح على شعراً نكنه
والقصيده في معانيها فريده

عايشينً بالستر من دون منه
والله اللي يستر ويرزق عبيده

والله اللي خالقً نارً وجنه
جعل نفسي في سبيل الله شهيده

قال من يكتب على ذوقه وفنه
لاكتب يكتب مواضيعً مفيده

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر