مجارات لشاعر والرواية فواز الغسلان - نايف الذويبي

اصاله عن نفسي ونيابه عن قبيلة عتيبه العريقه والغنيه برجالها
اقدم الشكر الجزيل للشاعروالراويه بقناة الساحه فواز الغسلان على رائعته اللتي تعجز الحروف

عن مجاراتها .. الشكر لكريم الحرف في ماوصف والعذر من الجميع اذا قصرت
يالله .. ياوهاب ياعالي الشان

يامطلع بالكون ونته رقيبه
تكرم هل المعروف وتكافي انسان

شاعر علم يفخر بعزوة عتيبه
سريت في ليلي وللشعر سلطان

يامر وينهاني وربي حسيبه
الله من ليلن سريته على شان

كتب شكر واعزف شعر وأعتزي به
غنا بها الغسلان وابن عليان

قافن سرى لوجيه ربعن عريبه
تجازي المعروف والخير باحسان

تعشق من علوم الرجال الصعيبه
والشعر رجال امتطى صهوة احصان

والحبر خيال الحروف النجيبه
من خاطرن طربان والبال نشطان

ماينطفي عرق الوفا من لهيبه
في حكم ابومتعب وفي عز سلطان

تاج الولا والحب دوم ابتدي به
من غير قاصر في طويلين الايمان

كل القبايل والوجوه الحبيبه
حنا تركنا المجد والطيب عنوان

حنا شكرنا الله عطا الصيت هيبه
شجاعة الانسان مع مر الازمان

كيف يتقهوى بالدلال المصيبه
كيف الصبر كيف الذكر حب قرءان

اخلاص في اخلاص مع زود طيبه
ياسلوتي لاكنت ضايق وتعبان

ياعزوتي رجالكم عن كتيبه
ماسعى ورا اللقمه ولو كنت جيعان

حتى تجي عندي وماهي غريبه
سلام يافواز ياذرب الايمان

ياكاسي الاشعار حكمه وهيبه
ماني على دين الرجاجيل ندمان

لان الوفا والطيب ساسه عتيبه
والطيب والتقدير مع فيض عرفان

ياصلك ياروح الشعر يانسيبه
لعيون ابن غسلان غنيت قيفان

ماقطف من البستان !! كله اجيبه
اللي شكر ربعي عتيبه بنيشان

شعره عسى مايوم يعرف غليبه
وغسلان مشتقه على وزن عتبان

يعني نصيبي من حضوره نصيبه
وختامها عداد همال الامزان

صلو على المختار .. يازين طيبه
نايف بن عليان الذويبي

© 2024 - موقع الشعر