غرتني الايام

يارب ياخالقي من غير مااوفي معاك
يامالك الروح في يوم الحشر والحساب

اخاطب القلب ياربي وادور رضاك
واسعى بكل السبل وافك للصدق باب

ياشعري الله مااكبر عند ربي خطاك
اشغلتني عن قراية سورتن من كتاب

كتاب ربي وضيعت العمل من عناك
رحماك ربي وياحسن اللقا والمتاب

ياحرفي اليوم وصلتك معي منتهاك
حان الفراق وعسى التوبة مرد ومئاب

اشقيتني بالغزل في كل ورد اشتهاك
وسقيتني علقم السيات مع سم داب

يارب رحماك يامن كلنا في رجاك
اغفر لعبدن حياته كلبوها اكتئاب

اضحك معا ذي واسولف عن علاقة هذاك
وانا القبر ينتظرني والعذاب العذاب

سليت في عالمن كله مشاعر هلاك
عشق وغرام ومشاعر علها للذهاب

طلبت روح الرجا ثم قالت الروح جاك
وزليت من عام الاول والذنوب انسكاب

في كوب شاعر تكسر مثل عود الاراك
لاخير في شاعرن شعرة بريد الخراب

خراب قلب وتعالي نفس والاحتكاك
يولد الانفجار العاطفي وانجذاب

جريتني ياقصيدي للندم وش بلاك
حتى نسيت القواعد بالشعر والحساب

ونثرت دمعي على خد الندم ياملاك
وملكت عصمة فؤادي وابتدا الانسحاب

من دايرة عاطفه ومقاومه وارتباك
وذنوب ترقى على طوب وتعمر هضاب

صحيفتي ياالاهي كلبوها انتهاك
الحرمة الشعر ومغازل عنود الضباب

يارب رحمتك يارحمن مالي سواك
لاجيت في حفرتي واغشوا علي التراب

ماعاد فيني يابوخالد نفس او حراك
من هول مابي من الدنيا فهمت الجواب

ياشعر والله ماتنطق خطيه شفاك
بعد اكتشفت السعاده عند منشي السحاب

مولاي غرتني الايام لولا هداك
متنا وحنا بعد فينا جموح وشباب

اكرمتني بالستر والعفو وابغا رضاك
من عقب شاب القلم والراس ياسعودشاب

يارب مالي رصيد من العمل في لقاك
ويعظم الخالق اجر اللي كساه التراب

وصلاة ربي على المختار ربن دعاك
للتوبة وقلت ياحسن العمل والاناب