ليل سرى بي - نايف الذويبي

ليلن سرابي يااهيف القد خله
مانته بقد الهم لاتسري الليل

لي قلب لهموم المجاريح دله
يصبها عرقي بليا فناجيل

الموت قالوا خيرن من المذله
قدام لاتفتح صدور الرياجيل

حطيت بي مليون عله وعله
وصورتني مثل ابرهه صاحب الفيل

اللي غزا البيت المحصَن من الله
وحطيت بي مالم بقاموس قد قيل

لحن الغرام اللي لسانك يشله
صار انتفاضه كلها جور تضليل

كم قلت لك لو كل شي بمحله
تشوف خير الناس ماذاق تنكيل

وتشوف اخس الناس واللي وصله
يطيح او يرمى سواة التماثيل

ونا ادري انك كالنجوم المطله
يغار منك الجدي ويخافه اسهيل

بس الحياه الي ممله معله
كل المصاعب روضتها التساهيل

ماهو بنا راعي سخافه وزله
واحشم كلامي عن ممل التفاصيل

ماشوف عند الناس مكسب وغله
ماشي على سلم الرجال المشاكيل

من طيب نيه والنوايا مظله
تحمي من اشموس القهر والغرابيل

ماشي معك مثل ال بنادم لظله
مارضى عليك الجور واعدل الميل

ياصاحبي ماني غلاف بمجله
يعجبك او ترميه خلف المراييل

بكره تقولين الذويبي حصل له
مني جحود وماتفيد التعاليل

مسلم وله مذهب وله خير مله
مادنسوا عرضه هل القال والقيل

حافظ دروسه من ليالي مضن له
يرجي فرجها بالليال المقابيل

من جات سهله راحت اكيد سهله
ونتي بصعوبه جاوبتك المواويل

مابين نقضك في كلامي وفتله
صرنا نجر من الندم صارم الويل

والله ماكل الكلام التفت له
دايم ولاابحث عن صغار الاقاويل

ون كانها جاتك من الله فيالله
نبض اختلاف وحول القلب تحويل

المسكن اللي مايضللك ضله
مالك بداره لامنامه وتقييل

اما اهدمه ولا اتركه في محله
بس انتبه ترم الحصا بالمعاميل

© 2023 - موقع الشعر