شامت وسلتوح - القاسميه

قبل امس طرحي معتلي كل مطروح
نفسي على بدع الجزايل مطيعه

واليوم مالي فالطواريق مصلوح
من يوم غاب اللي غيابه فجيعه

وا قلبي اللي من عنا الحب مفضوح
وا عيني اللي كل همن تذيعه

أوّاه ياقلبن من الحب مذبوح
ينبض وحبه بالجنازه يشيعه

أواه ياضلعن من البعد مجروح
يشوف علّة هالخفوق وتريعه

ياثقل دم البعد والهم والنوح
عز الله ان فعول همي شنيعه

ماهوب حقن له ليا صار بيروح
يقفل مداهيل الوصال الوسيعه

راح وتركني بين شامت وسلتوح
خطوات عذال المحبه سريعه

قصة غرامي درس للناس مشروح
عبره لملاّك القلوب الوديعه

ادخل على اللي منجين يونس ونوح
اللي جميع الناس لامره تبيعه

انه يخفف من مصابي مع البوح
عبرات صدري للمدامع نزيعه

© 2022 - موقع الشعر