بين بخيتان بن مطيلق النيص و طراد المغيري

قصيدة بخيتان النيص
عديت في رجم ٍطويل متعلي

ماكني الابادي ٍفي شمنصير
واكايزالعبرات محد ٍفطنلي

من يوم خليناعلوم المناعير
ياعين هلي ذارف الدمع هلي

مثل الخيال لياقفته المعاصير
قالو وراك وقلت انا وين اولي

ماعادنسمع كودطق المزامير
الشعرعقب طرادجعله يولي

ماعاد يجمع كود بس وعصافير
إليا جلس من جلسته ماتملي

وسوالفه خلف الدلال المباهير
هاذي تشجعناوهاذي تسلي

وهاذيك تعطينادروس وتعابير
من الربعة اللي فعلهم مستقلي

مغايره وأن جت ليال المعاسير
اهل الظعن واهل السبيب المولي

يتلون براق ٍمزونه محادير
نزالت الخيفات بالمستجلي

حطو على كبد المعادي مسامير
***

رد الشاعر طراد بن ماطر بن مريغة المغيري
ياراكب اللي راكبه مايملي

توه ورد ومورد ٍبالدنانير
ساع ابتدى فالصفرشوفه يسلي

وليانزع يشدي كمانزعت الطير
ملفاك للي للنشامى يهلي

وسيع صدر ومرتكي للمخاسير
وليالفيت النيص قله وقلي

ارفع حجاجك عن علوم المعاثير
وافهم ترا أين الصبر بالمستجلي

يوردك غبات البحور المغازير
عليك باللي للكلام متعلي

احصون الرجال اللي تهز الطوابير
واللا ش خله مع كلامه يولي

جنب عن الهزلين يافاعل الخير
عليك باللي للمشاكل يحلي

ينفعك فالصعبات وقت المعاسير
والصبر له برهان يامسندلي

والعزم للجزلين حجة وتفسير
وانته من اللي يحتمون المتلي

لياجانهار ٍفيه شر ِبلا خير
هوماتهم تبري فواد المغلي

ليا اختلط عج الرمك والمشاهير
اولاد حافي فعلهم عزوة ٍلي

يركون في كبد المعادي مسامير
وذكرت ربي عد وبل ٍيهلي

وبسم النبي عد النجوم المساهير