لاتحب !

قلت أحب وقالت عيونك آفى
لاتحب بهالزمن مافي وفي

قلت أنا الوافي وقالت لي كفى
ما صفى ياوصفي بوقتك صفي

شف سواليف الخناجر بالقفى
للجراح وآه يالجرح الخفي

ماشفى قلت آه جرحك ما شفى
قالت وحق المدامع ما شفي

قلت عن ما قد سلف الله عفى
كم سليت ولا تغير موقفي

قالت وحزن الحكايا ما خفى
لا تغيب وعن عيوني تختفي

قلت ليه وقالت بلحظة صفى
بوصف إحساسي وقلت إيه أوصفي

أهمست والحزن بالصوت اختفى
قلت قولي لي ولا تتفلسفي

قالت المجنون من اجل الفدى
يحرق ضلوعي ولا عمره دفي

له ثلاث أعوام جمره ما طفى
قلت لا تشعلني وقال انزفي

هد حيل الليل ساهر ما غفى
يا كثر ليهاتي وكثر النفي

كل ليه يرد مادري ماكتفى
ما كفاه إني بجرحه محتفي

والله إني لهجره دامه جفى
لا تحب ويا قصيدة وقفي