أهلاً

لـ هزاع بن زيدان العنزي، ، بواسطة سماهر، في غير مُحدد

أهلاً - هزاع بن زيدان العنزي

أهلاً عدد وبلٍ من المزن همّال
وأعداد شعشاع النجوم بسماها

بقيلٍ صدح به طيّب الصيت والفال
بأبيات شعرٍ من قراها رواها

يالوايلي لاهنت ياوافي الأخصال
يا كاسب الطولة بفعلٍ زهاها

مطر صليب الشور للراي فتال
أبو فهد لاقال كلمة قداها

سنّد عباراتٍ ثمينات وأجزال
بقصيدةٍ تميزت عن سواها

أبشر فداك الجاه والجهد والمال
ولاخير ب اللي ما يكمل وفاها

المسألة ماهي تهاويل وأمثال
لمسألة هقوة وفيٍ هقاها

ما اكون ابن وايل ولاني برجال
أن حدت عن سلم الرجال وثناها

أبشر بعزك مابها شك واجدال وش القضية قل لنا محتواها
قلي وش الموضوع ياراعي الأ نفال

وضح لي القصة وبيّن خفاها
وأنا على يمناك في كل الاحوال

سيفك وعزك كان دارت رحاها
وارجو الاجابة يالسنافي با للأ عجال

روح الاجابة لايطّول مداها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر