رمس المغاتير

في لبة العاقر جرا لي تفاكير
ما بين تين وحرة الجوهريه

خذنا قطيع فيه رمس المغاتير
وعيوا على تاليه قوم لضيه

لحقوا هل البل فوق قب مشاهير
يتلون إبن جرشان ذيب السريه

قلنا ميامين وقالوا مياسير
ولا ينعدل سيل النحا من نويه

رديتها يوم الفلى لي مناحير
والحقت شيخ كاسياته إدميه

رديتها والحقت شيخ المظاهير
وجواد بن متروك صفراء ثنيه

وزامل على الصفراء أعيونه مطايير
ما لوم زامل شاف وخره وحيه

ناديت في حسى صياح بتشهير
ولا منهن اللي لد بالعين ليه

يوم إن إبن هذال يرمل المعاذير
وبن البتيرا هج قدمة إشويه

حديتهم حد الضوامي على بير
ومن عقب ما هي ضيق راحت فضيه