قطر الندي

قم مر بي طيفٍ وبعثر حناياي
واسكب من دلال الغلا ما بغيت

خل الهوى يعصف فناجين قهواي
لأجل أشربك واذكر حنانٍ تقهويت

والله لو تدري بهالشوق جوَّاي
كانك قطفت العمر من زهرك وجيت

تسعى لقلبٍ ذايبٍ فيك لأقصاي
دوَّر حنان ولا لقى غيركم بيت

لأجلك نقشت الفرح في كف يمناي
حنّا عروس مثلها ما رأيت

وأنشد لكل الكون يا زين حنّاي
تحكي غرامك في عروقي وناديت

قطر الندى يومه يداعب حرقة الناي
لحنٍ يعذِب خافقي بالنواحيت

يا أمسي الماضي ويا عمري الجاي
قلبك وبس اللي لأجله تعنِّيت

في داخلي بيني وبيني وبرَّاي
لأجل أعترف لك في حضورك تمنيت

حبِّيت أقبل راحتك غاية مناي
وأطبع على راحة الكف حبِّيت