عذب الوصايف

كل مرة يعتذر ويقول آسف
وأنا مليت الأسف والإعتذار

ينشغل عنِّي وهو داري وعارف
إن أنا ما أقوى على البعد وأغار

أحتسي في غيبته فرحي رشايف
والمساعيّا يطول الإنتظار

والأمل كلّه غدا بالروح زايف
كن بيني وبينهم مليون ثار

شاقني شوق الغضي عذب الوصايف
وانتشى عطر الخجل خلف الستار

وانتفض حبر الغلا فوق الصحايف
لا سرى طيفه تغنّى به وسار

يا سعد حرفٍ وطى حلو الشفايف
يعزف لحون الوله بايدالنهار

هو يعرف إنِّي من الأشواق خايف
ويتغلَّى ما در ى في البعد نار

قدملك كلي وغيره القلب عايف
سيدي بالحب أصبح مستشار

ياوليف الروح أنا كلِّي حسايف
والهوى ما عاديكفيه انكسار

تذرف عيون اللقا دمعي ذرايف
والأمل لي صد عنّي واستدار

كم سهرتك نجم وسط الليل خايف
ما لقى دربٍ يدلَّه للمدار

يابعيدالشوف صرت اليوم شايف
لك سكن بالجوف حبٍ واقتدار

أعشقك وأغليك من بدَّ الولايف
لو عشقني بالمدا ناسٍ كثار

قولها مرَّه ولو مليون آسف
يا حلاة الحب ويَّا الإعتذار