سود الليالي - هذال العتيبي

انا هجوسي فالضماير يدقن
ثم صار وسط القلب ياناس ضيقه

لانمت مانامت ولافقت فاقن
تطيق شي ياعرب ما نطيقه

ما طيقها لكن على القلب طاقن
هاذي هي أوضاعي وهاذي حقيقه

منها الضماير ماتوقع يروقن
ومنها بجوف الصدر مثل الحريقه

سود الليالي ياصحيبي يشقن
شف خاطري منها تباين بريقه

اخذت ولادري وش لحالي يبقن
والوقت نمشيبه ونعرف طريقه

ايام راحت في خفوقي يشوقن
منها العباري والعيون الغريقه

هي عبرتينن وسط قلبي تلاقن
ثم وقفت فالحلق بأسرع دقيقه

الاوله منها الخواطر يضيقن
موت الصديق اللي يعزه صديقه

هاذي صدوف الوقت لازم يبوقن
كم فرقت بين الرفيق ورفيقه

تقول لهل الطيب دايم ينقن
ولا الردي ياناس محدن يعيقه

والثانيه فيها عيوني يحقن
راع الفريق اليوم يترك فريقه

ضاقت صدور الناس من ناس ضاقن
حتى الشقيق اليوم يجهل شقيقه

اسقتني الدنيا وكم قبل سقن
ثم صارت جروحي عميقه عميقه

لكن يقيني عندي ربي ميقن
دارس واخذت من التجارب وثيقه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر