سود الليالي - محسن المحيلبي

ما اخترت حظي ولا انت بكبرك اخترتك
الحظ قسمه. وفيك الله عناني

ما احدٍ جبرني ولا الأيام جابرتك
بالحب ما فيه واحد يجبر الثاني

الوصل شعره وهي بالوجه عاذرتك
في قطعها كل يومينٍ تحداني

بذكرك كان خانت فيك ذاكرتك
من قبل لا تروح في دربك وتنساني

نسيت سود الليالي يوم بعثرتك
لميّتك ووين ما طالعت تلقاني

مكسور خاطر وانا جيتك وجبرتك
من دافع الحب جيت ودافع انساني

خليت لك قيمة وشلتك وقدرتك
قاسمتك الهم واحزانك هي احزاني

صغير قدر وحشمتك لين كبرتك
عزيت شانك وخليته مثل شاني

ما كنت اصدق على هالحال آخرتك
من عقب ما كنت في حلمك تمناني

نفذ وعودك بهجرك واقطع شعرتك
دربٍ معه جيب عنك بعيد وداني

ما انت بخسارة ولا الايام ذاخرتك
ولا اذكر حدا والديني فيك وصاني

© 2024 - موقع الشعر