غتمــــه :*_*: - طيف النعيمي

لاتنشدوني وشبلا الجو كتمه
كاتم على صوتي وانا داخلي حروق

كل الحكايه إني اليوم غتمه
بس الحقيقه ماهزم قلبي العوق

الحظ عاثر خاتم اليأس ختمه
فوق المواجع وابتسم والألم فوق

حتى نهاري بالنظر صار عتمه
ودي أغنّي لكن الصوت مخنوق

يمكن قريب العمر يلفيه حتمه
عجزت أكابر في وجودي بلا شوق

الحمد لله فى البدايه وختمه
باصبر عسى شمسي لها بعمري شروق

غصبا على نفسي غدى الجو كتمه
وانا أداري كتمة الصوت بحروق

مناسبة القصيدة

يموت الصوت ولا يموت صاحبه ؟
© 2024 - موقع الشعر