يا مشاري

ماعلي خلاف طيب يامشاري
محتزم بالصبر وضلوعي متينه

لو بدا للحزن في وجهي مواري
لايهمك والحزن تبت يدينه

مؤمن بامر الولى والحكم جاري
واحمد اللي سن حكمه واستعينه

كل ماقام يتبسم لي نهاري
جعل ليلي ماتشيب رموش عينه

اعترافي بالخطا ساق اعتذاري
اطلب الغفران وذنوبي دفينه

ماحفت رجلي على طول المساري
التعب مخلوف والطرقا ثمينه

رجعت بين الحرام من اعتباري
واغمرتني بالخشوع والسكينه

خاطري لاضاق من كثر الطواري
ينشرح مابين مكه والمدينه