سار القلم

شلت القلم بالكف مدري وش أكتب
فوق الورق سار القلم وانشد أبيات

وأنا على المركاء من الهم منكب
هموم خلت لي عظامي ونيّات

عودت أسوي ذا النشيد المرتب
اللي يساوي بالعدد عشرة أبيات

تعبان في الهجرة ويا كيف ما أتعب
كني مريّض علته سم حيات

أسباب من حبه لقلبي تسبب
لطيف حبه بيّت القلب بيّات

من لآمني ليته من الود يشرب
جرعه بكأس الحب تعمل وفيّات

وإن عاش قلب اللي شرب منه ينّشب
يصيبه الهوجاس والجمر كيات

وإلي بداء من كل وادي ومرقب
شاف الصحارى والجبال العليّات

بعض العرب عندي تجاره ومكسب
وأعد بعض الناس من عرض الأميات

ما قلت غير الصدق والصدق ينحب
ما هو كما التمثيل بالمسرحيّات