يــــا عــــد

يا عد يا اللّي لوّل اتغوث
وشياك عن معهد صبايه تفلّي

يا ديم مربعيه عقب وبلك ايلوث
روحي على شوف الزبيدي تهلّي

لوّل اذا هلّيت فلّيت ملغوث
للبرّ مع ربعي ونلقى تسلّي

حبّ المرح طبعي من الاصل ماروث
ما شوف عمري عن ربوعي تعلي

زمره من ابكار الغنادير لحدوث
صوب العقيده عقب غيثك نفلّي

يحمي عيوني سلّ كتّار لليوث
والله و اهلي منهجي و ربعةّ لي

تلقى البشام ايفوح في الأرض محروث
حلو العرف بين الثمام امتعلي

من الثريا جا الصّبا نقل مبعوث
الي بنات النّعش ريحه يغلّي

واليوم يا غيثي ادوّ رك ببحوث
ولا ريت لي من بنشده عنك ياللّي

يا الي اذا ساكبت في الارض مبثوث
اتقول عيدي يوم اشوفك تطلّي