مرهفه ياخجوله

اشهد ان القصايد لأجل عينك تحنّي
واشهد ان القوافي نابعه من سلاحي

واشهد ان العواذل في حضورك تجنّي
باهيه في جمالك مثل نور الصباحي

ومن يناظر عيونك ابتعد وامتحنّي
فاتنه في عيونك والبشر في صياحي

ياجميله جمالك سالب العقل منّي
العسل من صفاتك والعطر منك فاحي

صوتها عزف قيثاره ولحن(ن) وفنّي
لحن (بت هوفن) اللي زاد فيّ ارتياحي

ورمش عينه رماح (ن) بالوغى صوبنّي
سم رمحه عطيبٍ كنِ سمه ذحاحي

جادل(ن) ساقني للموت ساعة فتنّي
مرهفه ياخجوله والعنا من وشاحي

حالتك مثل حالي والشقا ممتحنّي
وحبنا مثل طيرٍ من كسربه جناحي

هايم(ن) في هيامك والليالي جفنّي
ويل قلب المولع دوم سده يباحي