مرثية الشيخ زيد موسى السويداء الخالدي - منصور السويداء الخالدي

يالله يالواحد عليك اتكالي
ربا عظيم والمخاليق ترجيه

يالمالك المعبود ياذا الجلالي
احمدك بالتقدير تكتب وتمضيه

هذي حياة في دروبه شكالي
هذا مريض وذاك يالله نسجيه

والفايز الي سار سير العدالي
ولا هدر عمره بزيغ وتنويه

يوم الخميس العصر علم لفالي
في دقه الجوال ماني بناسيه

قل يافهد وش حاجتك باتصالي
وش قوم حسك صاير اليوم مخفيه

قال الدموع ابين بشرح المقالي
جدك توفى وهاك علم بتاليه

قلت انتظر يا شيخ دمعي همالي
ترى الكرم والجود يجرح براعيه

جدي ابو موسى صعد بالعلالي
ما يترك المحتاج حتى يوفيه

وان جاء مريض شاكي لاعتلالي
بكتاب رب البيت دوم يداويه

تمر مع الدله قريب المنالي
وجه يرحبك وما احلى مواريه

بالدين ثابت مثل عالي الجبالي
على الفرائض والسنن هي تسليه

واليوم يبكي مسجده والعيالي
على فراقه يوم رحنا نواريه

يالله منك الجود يالمرتجالي
تكرم ابو موسىبقربك تعليه

ترو وصاته قبل موته دوالي
فرض الصلاه يالعبد لا لا تخليه

ويا عيالي بالجماعه تنالي
كل الاماني والتفرقه به التيه

ولا تفختون بجمعتي يا عيالي
يقهر به الشامت ويفرح مواليه

وزيد الوفاء يالربع باحلى الفعالي
مهما نقول من الشعر ما نكفيه

صلاه ربي عدد ذر الرمالي
على الشفيع الي بروحي افديه

والحمد للرحمن رب الكمالي
أمنت بالتقدير وربي ارجيه

مناسبة القصيدة

رثاء بالشيخ زيد بن موسى السويداء عميد أسرة السويداء وأحد أركانها رحمه الله وغفر له كان رحمه الله بشوش الوجه متسامح مع من لا يعرفه ومن يعرفه يحترمه الجميع كان رحمه الله رجل دين وخلق رفيع رحمه الله رحمه واسعه توفي بالرياض ودفن بحائل .

أحدث إضافات الديوان

© 2024 - موقع الشعر