تعبت أعاني

تعبت أعاني زايد الشوق..وانخاه
شح الأمل في دنيتي مالقيته

طويت في صوت التناهيد مأساه
جرح يبكيني وجرح بكيته

صحيت من حلمي وإذا أقول بأنساه
عانقت طيفه نزف جرحي نسيته

امسح بقايا لوعة الحزن وارقاه
وبيني وبينه نايف مارقيته

الله من حرف اخذ صدق معناه
وياكبر قصر وسط قلبي بنيته

يجتاحني صوته ووزوله وذكراه
ودرب على بعد المشارف مشيته

جازت لي السمره على ليل مسراه
وفيض الغلا في داخلي ماقويته

ناظرت في عيني سنا الحب ما أحلاه
الله وأكبر يا حنان قريته

بالحيل اناجي منوة الروح وأهواه
لا شك أنسى دنيتي..مانسيته