مساك اللي تخيرته ولا حسيت به انته
كذا مرت بي الدنيا على النيه لجل عيناك
مساك اللي يلوح بعيد عن عيني اذا شفته
تماهى في العنا لما تناظرني العيون هناك
انا ذاك الكلام اللي تحس اني توهمته
انا ذاك المسا الواهن يعيث بدمعي التهلاك
تقول : يمرني الهاجس اذا مرة تذكرته
انا من هاجسي ياما يمرالمزح دون ادراك
كثير اللي ضحك , يمكن عنا الخفاق ما شلته
وهذا الهم يا سيدي زرع في دربي الاشواك
احس ان الحضور اللي لمحته صعب هيمنته
تعودت اندثر فيني يطول رجاي ماهو رجاك
ولكن نهج من ينسى مفاده شوق واخذلته
خذلت بقلبي أشواقي ,, اهيم بحكمته وانساك
تعّلم يا نظر عيني ,, تغادر قلب عذبته
كثر ما تبتعد اكثر , كثر ما خافقي يظماك
من اللمحة اذا لاحت على أطلال ماعشته
ابيها اللمحة تخفيها عن عيوني وهي تجفاك
وكانت غايتي فيها ,, كثير الوجد وأشعلته
يغيب الوجد في صدر الدياجر دونها مسراك
هنا في خافقي ,, ياما زرعتك للسرى نبته
هنا في خافقي ياما يجف النبت لين أحياك
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.