قصايد حب - نجوم المخيني

ابي اكتب قصايد حب وابي راشد يغنيها
يهز بصوته الدافي معاني نبضها شعري

أقول أهات من دنيا حبيب القلب موفيها
وليته بس يتذكر ويرجع لي بعد عمري

واظنه ناسي اني من بكاس الحب ساقيها
ولا يسأل ولا يشعر بما فيني ولا يدري

نجوم اللي زمان يقول لي بجنون يغليها
تناساها ومات بقلب غاليها الهوى العذري

نجوم اللي بروحه كان قبل اليوم يفديها
تركها للنوى واثر النوى لحبابنا مغري

وأنا اللي كل طب يوصفونه مايداويه
وصيه تكتبون الحب قاتلها علي قبري

ابي اكتب قصايد حب وأبي راشد يغنيها
يهز بصوته الدافي معاني نبضها شعري

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر