لو بكيت

لوبكيت دموع عيني ما تفيد
وان شكيت الشكوى مافيها مسد

كل يوم يذوب في قلبي وريد
اتصبر مير ما عندي جلد

نار شوقي لك يذوب لها الحديد
وانتثر دمعي على خدي بدد

دايمِ(ن) ياشوق شوقي لك جديد
وان سألت العين لك فيها مرد

دمعتي تنبيك عن حب أكيد
غيرها ياروح روحي وش بعد

كان قلبي قبل عرفي لك عنيد
مايحن ولا رمع غيرك لاحد

لين طوعته بحبك ياوحيد
والمحب يطيع محبوبه وحد

ياحبيبي غير شوفك لا ما أريد
دوك طرفي طايل فيه السهد

ياحبيبي فيك ياحلو القصيد
لو كتبت الشعر في غيرك شرد

أتغنى فيك بأشواقي نشيد
بأصدق اللي قيل من بنت لولد