إمضــرٍ ساقي

إمضريني ساقي على قطع الخرايم في البلاد
ومورّد (ن) كفي على العد القراح الممتلي

أشد وانزل00 وأشعب إركاب الفخر في كل واد
وأنحر على الخايع جمل 00واذبح على الجرداء طلي

اقلط على شفي وانا ماجف ل/أهدافي مداد
وحصون قلبي من هبوب الشوق وانسامه خلي

اسج ساقي ناهب (ن) حالي من اغواه البعاد
اللي يجازيني ياأبن ظاهر على غير إعملي

لاجيت ألحقّها المعاتب يلحق البيضاء سواد
ولو أكتم أنفاسي الغضب ف/عروق الاضلاع إتغلي

على إمفرقةّ الضعن 00وإمضيعة سرّج وشداد
اللي لهم عنيت خيل إفعولي00 وسقت إجملي

الله ولا منة ردي الرابعه00 شين المراد
اللي تعلق في الخبايا مثل ميّاح الدلي

إفعوله أسودّ ماالكحل لو يلبس إثياب (ن) جداد
وعضوده أضعف من تطاولها ياابن ظاهر علي

وبيّض النوايا لرّجل أكبر ظفّر وأغلى عتاد
أغلى من اللي ضمتهّ كفين صنّاع الحلي

والحلم والرفّق 00إرفقى عكس التعصب والعناد
ياللي بعينك مره إتقفي00 ومر إتلد لي

والبارق اللي حنّ رعاده على مروش وجاد
له غيمة (ن) من فوق مزموم الحجا ماتنجلي

طاحت على السفح الخضر 00اللي به البشام زاد
واطفت معاليق الجذوع اللي تشب وتصطلي

وانا غريّم الجور 00في شعبان وإلا في جماد
وأنا قبيل الطيب والناموس والمخرج ملي

من قدّم العليا لقا وقت القحّط مشرب وزاد
واللاش له منزلهّ ينزل به00وانا لي منزلي

ومن قدم الفسله وخذ حقه وسيفه في الغماد
أعرف وش اللي لي وانا ابوسعيد 00واعرف وش علي