يالله المطلوب يامنجي خليله
عالمن ما فالصدور الخافياتي
طالبك يالله في مبدا الجزيله
والكلام الصدق والقول الثباتي
شاعرن عديت في راس الطويله
من همومن وسط قلبي ساكناتي
صابرن والصبر زودلي مليله
والهواجس وارداتن صادراتي
يوم غيري مهتني في نوم ليله
والله أن القلب ماذاق المباتي
يا وجودي وجد من كبده عليله
شاف نور الشمس في عز السباتي
فاقدن غالي ولا فاليد حيله
أحرقت خده دموعن سايلاتي
حايرن فكري ولا عندي وسيله
دارت الافكار راحت بي وجاتي
القلم هاتوه يبرق لي مخيله
وسط فكري من علومن كاوياتي
ونادو اللي لا مشى ربي وكيله
ماحسب لا الطايله والقاصرتي
يا نديبي فوق هذيك الأصيله
مهرتن بنت الحصان ابا الصفاتي
وصفها قبن تطول المستحيله
تطوي الأميال طي الطايراتي
فوقها فارس ولا يبغى دليله
عارفن دربه يسد اللازماتي
فارسن راعي مواقيفن جليله
من بني عمي يروم الطايلاتي
نصها قرمن تميز بالجزيله
الشحم غيره دلال مبهراتي
يذبح الحيل السمان لمن يجيله
أكلبين مايجب الهازلاتي
على ا بن سعيد ذباح الجليله
ماتغير وسط قلبي له غلاتي
سلم المكتوب وانته في مقيله
ياطويل الباع سلم له وصاتي
ثم قله من جنابك مستحيله
ما نصدق مار امورن واقعاتي
يالزميل اللي تغيب عن زميله
ياحسافة كيف ترضى هالسواتي
أشهد أنك من رجال ومن قبيله
مير بعض الناس تسعى بالوشاتي

حقوق النشر محفوظة لـشاعر

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2019 - موقع الشعر