يا شوق جمّعني كذا .. وانا متشتت التفكير
 أحس ّ بلهفة تآخذني >> تسيّرني الى عينه
 أحاول أمسك اشواقي .. وأمنّيها بطاري غير
 وأحاول ابدع الفكره >> ما دام البال في حينه
 يا حلو البال لا قالت : ( راح الضيق والتكدير )
 يا حلوه يوم قالت لي: ترى الاحساس مخفينه
 وذاك الجو عايشته .. وعشته من بعد تأثير
 هذاك القلب يجذبني >> بقى بالحب ترمينه
 ويفرح خاطر ٍ مكسور يعيش الحب .. بالتصوير
 بقصة من خيال الحب // بكذبة من ميادينه
 يا شِعري ابتسم وافرح .. ووصّف من لها التعبير
 يجي شِعري ومستانس .. وفرحة في موازينه
 هذيك البنت لا قالت (( فقدتك )) ما يجي تأخير
 هذيك البنت لا قالت (( فديتك )) جاتني بِينه
 أحس برعشة في قلبي واحاول اعرف التفسير
 وأحس بخفقة في صدري >> تقول الحب تدوينه
 واذا قالت ( بدر ) مرة >> عرفت بقدرة التخدير
 واذا ردّتها بالتالي >> أقول الصوت وش زينه
 يا لبّى الصوت والمنطوق يا لبّى >> من لها التقدير
 يذوب (( البدر )) بالكامل >> اذا صرتي تنادينه
 يذوب وما بقى (( منّه )) ياكود الشوق والتصبير
 يذوب وما بقى (( منّك )) ياكود انّك تضمّينه
 سكتّ !! وسالت الدمعة >> ودمعة ما لها تبرير
 وقالت يا حياة (( البدر )) .. يا ليت أنّك تدارينه
 حياتي والشِعر لجلك >> احسّه بالمحبة يثير
 حياتي وقلبي الصافي >> حرام انّك تعنّينه
 حياتي وانا اكتبلك >> احس اني سموّ أمير
 حياتي وارحمي قلبي // وقولي انك تحبّينه
 حياتي دلّليني حيل .. حياتي اتركي التشفير
 حياتي ذوّبيني حب .. وقلبي >> لا تجافينه
 وقولي يا (( بدر )) أهواك وقولي ما تبيه يصير
 وقولي أعشقك وأغليك وصدق الحب تضمينه
 وقولي ايه انا أحبك .. وأحبك >> جبتها تكرير
 أحبك ايه .. واحبك >> معاه الحِلف ويمينه
 واحاول اترك العالم .. واحاول مايجي تقصير
 وأنسّي خاطر ٍ مجروح بعشق ٍ مات بسنينه
 واغنيلك مع الساهر 
 (( صدري سما واحساس طير ))
 ويصير الوقت يا (( قلبي ))
 // يروح وما تحسّينه //
 ويصير (( البدر )) مع حبك 
 (( يعيش مثبّت التفكير ))
 وقلبه واضح ٍ ب (( كتاب ))
 // ما تخفى عناوينه //

حقوق النشر محفوظة لـشاعر

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2019 - موقع الشعر