الأغاني

كثر ما يعْرَق لسانك بترديد الأغاني ..
غَرَق صوتي بترديدك .. و تجديد الأماني !!
 
على غفلة من الترتيل ..
نثرت أغلى عطور الوصل
على اهدابك ..
وغَفَتْ تهليل ..
 
 
 
 
قاسية كلّ الأغاني .. لو تغيبي
قاسية كلّ الطرق .. والمسافات ..
ونصيبي !
قاسية كلّ الملامح ..
و اخضر طعونك .. ووجهي
لما تكْسره المرايا ..!
 
حتى وجهك يالمدينة .. حيل أرهقني شحوبه !!
صار بغيابك ضباب !!
حتى دمعي اللي تبينه .. صارت أنفاسك دروبه !!
وصارت عيونك كتاب !!
وليه طيّب كلّ هذا ؟
وانتي أقسى من غرس خنجر غيابه ..
وانهال في وجه الأغاني ..
دون ذمه .. !!
 
قاسية كلّ الخناجر ..
اللي مغروسة بصدري ..
مثل بُعدك .. حيل !!
كلّ هذا .. وماكفاك ؟
يا انتِ جيوش عتيدة ..!!
 
سمّعيني .. كيف ..
لمّا تشعلك الأغاني .. في غيابي !
سمّعيني .. كيف سوّت
في عروقك ..؟
رددي أعذب شجن ..
واعزفي جروحي ونادي :
و بوح / صوتي ..
من تشقّق ف المدى ..
و اشجاه ترديدك !!
 
عِجِز يوصل ..
ذرته الريح في صوتك سنابل ..
و انحنى لليل .. ذابل !
 
 
كثر ما يعْرَق لساني بترديدك على لحن الأغاني ..
غَرَقْ دمعي بمنديلك ..
ولا ملّ الأماني !.