لا تلوم راع الحب هذا ولد ناس - فريحه العوض

لا تلوم راع الحب هذا ولد ناس
ولا تفتري وتقول عنه حرامي

قلبه صفى لصاحبه مثل لألماس
وسلك طريق الحب مسلك نظامي

ويلعب به الهاجس ولا يخضع الراس
وضع علو النفس أعلا مقامي

ويملك إحساساً مرهفاً ماله أقياس
ويبدع من الأبيات حلو الكلامي

واثق بنفسه وحب خله على ساس
ما احتاج شور الغير ولا المحامي

وأن اشتهر حبه على قيد الإفلاس
غلطة نفسه وبالمحبه إيلامي

الحب مثل القصر يحتاج حراس
حارسه تراه الصدق دافع أمامي

الصدق يلبس حبهم حلو اللباس
ويسعد لياليهم عاماً بعامي

قلته ترى من تجربه داخل الراس
مع الحبيب اللي تفهم مرامي

أخلص معي بالحب ترى ظبي الأطعاس
ومتبادلين الحب ومعه الغرامي

وإذا جلس في مجلسٍ وفيه بلاس
كني عدوه ما يقول السلامي

يخشى على العشره من قول الأدناس
هذا مرامه وأنا مثله تمامي

حبي وحبه حط من بين الأقواس
ومدري متى الفرحه تبين وتقامي

أنا ظمت كبدي على عدم الأجناس
مثل الذي بالصيف عزم وصامي

وليا طرا لي دك بالقلب هوجاس
وأجلس طوال الليل وحدي ما أنامي

فريحه العوض
© 2022 - موقع الشعر