عشر طعنات - عبدالله ناجي عزام الحارثي

امس الخميس امس الضحى عشر مرات
دقيت جواله ولا رد راعيه

قمت التمس لعذار له امس بالذات
والمشكله واحد بجنبي يحاكيه

كان الاساء والحزن سيد البدايات
والعالم الله موقفي كيف تاليه

الي بنيت من الغلا له بنايات
وشلون مدري كيف طاحت مبانيه

مدري الزمن مدري الحضوض الرديات
مدري غلط كان الثقه زرعها فيه

ونيت من تحت المعاليق ونات
والعين حالي النوم قامت تجافيه

الله من كثر الهموم الثقيلات
الله من همً فوادي يكاليه

اعوي عوى سرحان روس الطويلات
وبكي بكى من روح الموت غاليه

مشكي من الفرقا وطول المسافات
اشكي الضنون الخايبه في معاليه

عزاه عزي لنفوس العزيزات
عزي لمن حضه غدا من معاديه

موقف وصدمه هزت الروح هزات
حتى عدوك ما تمنى يلاقيه

مقدر على وصف الندم بالعبارات
يعجز لساني يوصفه يامشاريه

يا قلب لاتكثر عليه الحسافات
من بعد ما بانت جلياً هقاويه

الي طعني خنجره عشر طعنات
ملعون يا قلبي ليا جبت طاريه

© 2024 - موقع الشعر