الناس عافت بذرها والحصادي - خالد الخالدي

سميت باسم اللي سلم من ترجاه
الواحد المعبود رب العبادي

الواحد الي كون الكون ورعاه
الى رفع سبعن بليا عمادي

المستجيب لدعوت العبد لادعاه
في ساعتن كل الخلايق هجادي

في ثلث ليلن قام كبر وصلاه
يطلب من الله رحمته والسدادي

يارب تغفرلي من الذنب يالله
وتغفر لبي وابيه ياخير هادي

وترزقهم الجنات ياعالي الجاه
يامن بامره مسيلن كل وادي

ومن بعدها جتني طواري مطراه
تطري على بالي ولاهي جدادي

طوارين ماهي لجل زول شفناه
ولاهي لجل هرجن بليا مفادي

ولاهي من اللي قلتها ثم نسيناه
ثلاثتن من دون هاذي اعدادي

راحن ولاجابن جوابن قريناه
ولانا من اللي يستحق الصدادي

ولانامن اللي لاهرج قيل وش جاه
انا على الطولات حازم شدادي

انا ولد عودن كرامن سجاياه
يرقب كما حرن شهر للهدادي

يفرح ليا شاف المجالس مبناه
ويكره لياسمه الهروج الزهادي

هاذ وانا ماقلت قولن كتبناه
من دون معنا ودون علمن وكادي

ابي انشده عن وقت دارت رحاياه
والناس عافت بذرها والحصادي

وقامت تهرج دون فودن ومعناه
وكلن يقول لو ماعليه اعتمادي

يمدح بروحه كن مامن سواياه
والناس مثله مفطنو للنقادي

غرته الدنيا وغروه شرواه
مادام عنده ريال فهو الوكادي

ولاهذاك الي على الطيب مبداه
الي لقول الصدق ماهو بقادي

الي يعرف القول اقصاه وادناه
وياخذ اجزال القول وخلي الترادي

لحدن يبيه ولايدانون طرياه
حيثه يعرف قصدوهم والمرادي

هاذي اجروحن مالقينا لهادواه
ودي بدكتورتن خبيرن ريادي

وختامها تعداد مانقطت ماه
من خايلن يبرق وزاد الرعادي

صلاة ربي علنبي خير ذكراه
محمد رسول الله صاح المنادي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر