يالي تبون / البر / والبر زاني ...

يالي تبون البر والبر زاني
زاهيبه العشب الخضر توه يبان

من عقب قاعه مهطلته المزاني
وسالت شعابه وارتوا كل عطشان

وتشوف راعي الذود بالجيب عاني
عس الاراضي وانشرح صدره وزان

واللي يبي المكشات وطيب المكاني
نزل خيامه وهو يردد بللحان

ونزل معاميلن بها الكيف زاني
من عقب ماشب السمر جاب رسلان

وصلح بها فنجال بنن يماني
موزن عياره بهارها بدلتن ثان

معهم نشامى معربين المجاني
الكل منهم ماجلس لين ماحان

ودارت فناجيلة وطيب المعاني
يذكر بها شروا قبالي بلزمان

هاذى منات الروح وذكرن لفاني
وانا عليها دايم الدوم شفقان