في كل شي - عبدالعزيز الزهراني

هل الشهر وانهى شهر
عام جديد وعام قديم
من يذكره ؟
اقفى مع كل السنين
اللي مضت واقفت معه
في كل معنى للرحيل
حبر وحنين .. دمع حزين
ليل المواجع مطوله
اسهر معه .......
دمعي جمعته في عيوني
وانثره .... ليتي معه
من يجبر القلب الكسير
اللي فقد اغلى منى في عالمه
من يجبره ؟؟؟؟؟؟
صوته يناديني تعال
وامشي معه ....
هم ومسافات الطريق المعتمه
وامشي معه ...
كل الليالي المظلمه
كل المسافات الطويله
ترسمه ....
لو تهت في كل الدروب
ولاح في عيني غروب
لبقى على عهدي معه ...
لو كل ما فيني يذوب
لو اتعبت قلبي الخطوب
لترك مأسي دنيتي
ثم اتبعه ....
يا ما قريته فالوجوه
على مدى عشرين عام
اتذكره واتخيله...
اتخيله في كل شي
كل الشجر ......
كل الحجر.....
كل الشوارع والمطر
واتخيله
في برد ايام الشتا
وفي زهر ايام الربيع
ولا هبت انفاس الخريف
وتنثره ....
مثل الورق.....
وانا اجمعه ....
وفي صحاري غربتي
الممحله....
واتخيله ...
في صوت نسمات الرياح
على نوافذ غرفتي ..
واشوف وجهه فالغيوم
وكيف الرياح تحوله وتشكله
واتخيله ....
في كل لحظات الزمان الساحره
وتمضي فصولي الاربعه
وانا انتظر ساعة اشوفه واحظنه
حتى ولو انه سراب
ولو ملى عيني غياب
ولو الاماني حائره
ولو السعاده واقفه متجهمه
يمكن تجي لحظة لقاء واعانقه
وانسى عذابي اللي مضى
وانسى التعاسه والجفا
يامن لاحلامي دفا
انت الهنا... انت الهنا ...انت الهنا
© 2024 - موقع الشعر