عـــروس الدار

(ألا)يا دانة الدنيا ياأرض دبي يادار (سباع)
يافخر العالم بأسره وكل منهو سكن فيها
ياكل العز يادرة فوسط البلاد ما(تنباع)
ياروضه كل من ياها تغزل في اراضيها
دعاني القلب اكتبلج ولكن هاجسي قد( ضاع)
لاني مهمااتكلم غلاتج صعب اوفيها
تجر اجوائج فصدري مواويلن بكل (مرباع)
جميرا وديرة مااكثرهم وزعبيلن تحليها
دروب المجد يوصلها يلي قادرعفض (نزاع)
وانا ماظنتي يقدر ياغيرة بجود يسقيها
فخر الاجيال لوتسمع وصوفه في شعر( فزاع)
عزوم وطيب وخصالاً مكارم به يجديها
صعب اوصفك ياقلبن يشعَ بطيبة يومً (شاع)
بنى بيدة دبي العز وأسس كل مبانيها
يقولوا دبي بس طاحت أبد لاماتمس (القاع)
مدام ان اللي يحكمها سموك ما يخليها
صقر وان مد مخلابة يموت ولا يقول (وداع)
حكمها بطيب نياته وهو بالحب يرويها
ترى من هيبته قررخفوقي يخضع (استرتاع)
يدعي بصدق من قلبه ياربي تحمي منشيها
فلاظن نصبربدونه الا من راح كلنا (جياع)
نبض الاشعار يتوقف ويذبل في اراضيها
بغيت اوصفه بابياتٍ بدون أي حقد ولا(اطماع)
لان المعنى من بونه وانا اعنيه واعنيها
دبي اللي ولاتساوم لابنصوص ولا(برباع)
دبي الفاتنه ياللي عروس الدار اسميها
أحبها من زمن الاول واحبها ليوم لو(تنباع)
قصيده جيت ابروزها معاني وفيك احليها
أبد ماوصلت قدرك على المذياع لو( تنذاع)
ياشيخ دبي يافخر لقصيده وانت راعيها