تصبري يانفس

يا نفس كنتي من قسى الوقت تشكين
في لحظةٍ ما ينطحه غير رجّال
شيٍّ(ن) مهوَّل(ن) يحْزن القلب والعين
ما تاصفه كثر القصايد والامثال
ما زارني عذْب الليالي من سنين
هّمٍّ(ن) طويلٍ منْه الافكار تهتال
كلْ ما توقّعت الزمن ظرْفه يلين
تعُود قسواته متاهات وثْقال
من خبْركم من ذيك الايام للحين
ما فارقَت عيني كوابيس الاطلال
متى يعُود الله عدْل الموازين
متى يعُود الله حال ٍ بعَد حال
يا نفس وانْ طال الحزن لا تطيحين
تحمّلي مثل الرواسي والاجبال
حذراك قدّام المحن لا تهُونين
لين الفرح بيدينه الهَمّ ينزال
ويحقلك عقب البطا تستريحين
يكفي شربتي حزن الايام باشكال
تصبّري يا نفس حينٍ(ن) بعَد حين
لا تتركين لمدخل ابليس مثقال
لا بد من يومٍ عن الهَمّ تسلَين
وتفتح لك افاق الليالي والامال