يانعنبو هـا الجيـوب الـوارد التالـي - المهدي بن حريص

يانعنبو ها الجيوب الوارد التالي
اللي على ريحة البنزين مجنونه

يا ليت عبداللطيف ايورده غالي
اظن بغض العرب ما عاد يشرونه

اليا مشاء كأنه من الارض ينشالي
وامن الطرق عن طريقه ما يردونه

قبل امس من عقب مازل الضحى العالي
على الطريق السريع اللي تعرفونه

واليا ان جيب(ن) جديد قام يبرالي
ىامخفف(ن) سرعته دوبه على هونه

فكسار با الضبط والسواق صومالي
احدث موديل جديد وابيض لونه

لديت يمه لاجل شئ(ن) تروالي
الدة اللي على العشاق ملعونه

شئ ما اظنه ولا يخطر على بالي
انه يجي بالبشر زينن وذا لونه

شفت الهوى يرفع البرقع على العالي
واليا اني اشوف حمر اشفاه وسنونه

ثم انتبه سائقه للمنظر التالي
ساعة دعس له يضيع الشوف من دونه

ومن الحسائف عسى ما فالك ابفالي
ويعز حالي على اللي فزعته دونه

لولا انها معه كان ادعي ولا ابالي
يقلب على سرعته لاعد طبلونه

والقاه قدمي حديده نثر ووصالي
وراعيه قطعان لحمه ما يلمونه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر