ونّة المشتاق

في غيابك يا حبيبي مرت اللحظه سنين
فاض بي بحر الجروح وقمت أدوّر ضحكتي

غايبه شمسي حبيبي ناقص (ن) فيني حنين
تاه بي دربي غريبه صرت أنا في دنيتي

فاقده بسمات قلبي بين آهات وأنين
كيف ألاقيها ونا محد (ن) ينوّر ظلمتي

في دجى هالليل رعشه هزت القلب الحزين
مالقيت امن الخلايق من يواسي دمعتي

ضاقت الدنيا بشوقي ضايقه مني السنين
ونة المشتاق لحظه ماتفارق وحدتي

ماتخليني طيوفك دايم ألقاها مابين
رمش عيني والهدب هي بس تونس وحشتي

صوتك اللي لو سمعته فز هالقلب الحزين
وسمك اللي لا طروا حرفه انا نسى كلمتي

ليمتى ببقى وحيده وامتى قلبك يلين
ما دريت انك دوى جرح (ن) يجدد لوعتي

يا حبيبي بس كفايا لمني بذيك الايدين
بس تعال ولم شتاتي رد روحي وبهجتي

هو صحيح اشتقت لي ورد لك ذاك الحنين
بذمتك يعني حبيبي ما ولهت لطلتي ؟!