حيــــرتـــي + بيـــــت انــهزامــــ//ــي

ياحيرتي... تكفين لاتذبحيني
الموت اشوفه في ثيابك تجيبيه

يصرخ علي... وفي مردي ونيني
يسمعْه جاري في محله... ويبكيه

ويلاه... من ضيق الصدر معتليني
كن الجبال الشامخه راسيه فيه

والصبر... كهل وماقوى يحتويني
تساقط اوراقه... وياويش يحييه

جفت عروق الدم... يبست يديني
طال السهر والجفن نومه مايشقيه

والعمر... في ذا الليل باول سنيني
وانا اشهد ان الشيب عالصبح يايته

ياحيرتي... باقول بينك وبيني
(بيت انهزامي)... وافخري به وغنيه

ياحيرتي... تدرين لو تذبحيني
اهون عليه من عذابٍ تجيبيه !!