أهـُوجس فيك

أهوجس فيك واتخيلك عيني
ويدينك ماتفارقها يديني

واحس انك انا.. وانا هو انت َ
واحسك انت ثالث والديني

لقيتك درب وانا كنت تايه
يشع النور ويعكس في جبيني

من اول نظرة ٍ بك ياحبيبي
شعرتك من زمان ٍ محتويني

تدل الروح اقدامي .. دروبك
واقدامي على المشي تحديني

لو ان عشقك بيذبح دون رحمه
قبلت الذبح .. بالتعزير فيني

وطبع الناس .. حب النفس أول
ولكن حب نفسي مايبيني

يبيك ولا يبي غيرك لأنك
من رموشي تراك اقرب لعيني

ولاابالغ اذا قلت بصراحه
أحسك ساكن ٍ بيني وبيني

وانا من غابت عيونك وشوقي
كأنه جملة أشواق السنين ِ

تعال وشوف فيني ويش سوّا
غيابك يوم ماطيفك يجيني

يجيني كنه الما .. وانا ضامي
والمّه في يساري مع يميني

والى من غاب .. حسّيت بضلوعي
تهز من ونة ٍ باحت كنيني

حبيبي .. لو كتب ربي تفارق.!
ف ابدعيه اني مَ افارق ظنيني

ولا يرد القضاء سوا دعاء ً
يُجابُ ف يمحي وجودك ونيني

حبيبي .. شوف انا اتخيلك عيني
ف تكفى .. خل يدك في يديني