شــمـوع الفــرح - محمد المرشدي

عطيني الحل في تفريقتك يالهموم
شموع الفرح في عيوني دايم مظللمه

حتى المجالس بحسب المعتقد والسلوم
أحيان تجرح عروق القلب وتثلمه

اقلط ولأمن ذكرته قمت قلت معزوم
عذرن ليا ذكروني دايم مولمه

أرتاح لحظات يوم آخذ جهازي وأقوم
وأكرر الرقم لين يرد وأكلمه

دافع غلا وان نشد عن صحتي والعلوم
أحاول أصرّف الموضوع ماعلمه

ماودي ابين الخافي لقلبن كتوم
وأقول مايدمي فواده ولاألمه

ماقلتله صرت هرجه سولفتها الرخوم
حتى حكاها أصقه الصمان لمبلمه

ولاودي أقول صبري من بعدك معدوم
وحبك رقى مع ضلوعي وأصبحت سلمه

حتى تمكن بقلبي وابتدا بالهجوم
وأنا أطلب الله يديمه والله يسلمه

كل القضيه بتفريق الطفش يالهموم
شموع الفرح في عيوني دايم مظلمه

© 2023 - موقع الشعر