والله لولا حشمة اسمك من اللسنة الرخوم - عبدالله الودعاني

ياوليف(ن) كل ماعشت لي من العمر يوم
عاش لك حب جديد وزود في غلاك

ودي اوجز لك علومي مع ان طبعي كتوم
وترجمتها والتفاصيل يكفلها ذكاك

اااه من الحب الجنوني مع ظعف العزوم
وااااه من عشق الفدائي عسى روحه فداك

وااه من تمثيل نوم على شان اسم نوم
واااه من قلب سجين ويرفض الانفكاك

واااه من ترفيه معطي ومن صبر إمحروم
واااه من تعليقة(ن) لا نجاة ولا هلاك

واااه ياسحر الوداد المقيد بالسلوم
واااه ياروح الزعامه وهندام الملاك

واااه يافكر مراتعه مابين النجوم
واااه ياثروه بهاء ما مالكها احد(ن) سواك

واااه يافن التمييز على وجه العموم
وااااه يا بيت الثقافه مع مجد العراك

وااااه يا جووو التلاقي بصالات القدوم
واااه يا ضحكة غلا في عيونك يوم أراك

وااااه يا لطف سواة الدواء وقت اللزوم
واااه ياقتل العتب بالغلا ساعة لقاك

واااه من شوق يسج الضماير كل يوم
وااااه من هيبة سباع تعدي من حماك

لد لي عين الموده عسى عزك يدوم
لا تخلي من حياته رهنها في هواك

ولك علي ما ارخصك لو صاروا الاصحاب قوم
ومستعد أزعل الناس لجل اكسب رضاك

مدمن في حبك اعضم من ادمان السموم
وفي غرامي فيك ما همني هذا وذاك

والله لولا حشمة اسمك من اللسنة الرخوم
ان اقول اسمك رباعي واحدد مستواك

يابحر حب غمرني وانا ما اعرف اعوم
ماغرقت وباقي في رجا الله ثم رجاك

© 2024 - موقع الشعر